O diálogo entre saberes tradicionais e saberes escolares : um estudos sobre os desafios para a valorização da cultura do povo Kanhgág de Nonoai/RS

• Autor(a) principal: Silva, Júlio Pedroso da
• Data de Publicação: 2021
• Tipo de documento: Dissertação
• Idioma: por
• Título da fonte: Biblioteca Digital de Teses e Dissertações da UFRGS
• Texto Completo: http://hdl.handle.net/10183/233574
• topic: Jagnẽ mré jagnẽ jykre to vãmén; kanhgág tỹ jagnẽ kanhrãnrãn; Escola indígena; Cultura indígena; Povos indígenas

Isỹ nén to jãfῖn kỹ rán ja vỹ tỹ,” Ẽg hẽren kỹ Kanhgág kanhró pẽ kar ũri vẽnhkanhrãnrãn fã kãki vẽnhkanhró to jagnẽ mré to vãmén jé ke nῖ. Hẽren kỹ ẽg ũri ga tỹ Nonoai kãki kanhgág si tỹ nén ũ hyn Han fã ẽn to vẽnhkanhrãnrãn tῖ, hẽren kỹ ẽg ti tũ ke kamẽg han mũ. Isỹ tag to kanhrãn tῖ tóg se há tῖ ha. Kar sỹ vẽnhkanhrãn fã ki rãnhrãj tῖ vỹ se há tῖ gé. Hãra sỹ tugnỹm mỹr ẽg vῖ, kanhgág vῖ tó tῖ vỹ pipir tῖ ha, ũ tỹ gῖr e vỹ kanhgág vῖ tó vãnh nỹtῖ ha, kỹ tóg inh mỹ e tῖ, sỹ to mũmẽ tỹvῖ tóg tῖ, kanhgág vῖ tỹ tũ’ kej ke ti. Tag to jykrén kỹ sóg vẽnhrá tag ki kanhgág si ag, kanhgág si fag tỹ nén ũ to kinhra tỹ inh mỹ tugtó ja ránrán kỹ tuvãj sór, ẽg nón kãmũ nỹtῖ tỹ ti tỹ ti tãn jé, ti tũ ke kamẽg jé, ti ter tũ nῖnh jé. Isỹ nén nón jãfῖn kỹ rán mũ tag tóg tỹ sỹ kanhgág ag, kanhgág fag tỹ, ẽg si ag, ẽg si fag tỹ nén ũ hyn han fã ẽn to, tag vỹ tỹ nén ũ há nῖ ke ẽn ven ke nῖ, ũ tỹ kãmén tῖ ag, kãmén tῖ fag hã vỹ tag to kinhra mág nỹtῖ, ag, fag hã vỹ tỹ kanhgág sanh ag nỹtῖ, ũ ag vỹ tỹ kujá ag, kujá fag nỹtῖ, ẽg mỹ fag tóg, ẽg vῖ, ẽg tỹ nén ũ hyn han mũ tag tuvãnh tũgnῖ, ke tῖ. Isỹ nén nón jãfῖn ja tag vỹ tỹ, sỹ kujá ag, kujá fag, pã’i ag mré nῖ kỹ vãmén. Kỹ inh rãnhrãj tag tỹ tũ kej ke tá sóg, Nonoai ki ẽg tỹ kanhgág tỹ hẽren kỹ ẽg vῖ, ẽg si ag tỹ nén han fã si ẽn tãn ge to nén ũ rán gé, tῖ tỹ tũ ke tũ nῖn jé, ti tỹ tar nῖn jé.