A transformación da forma urbana de Salceda de Caselas a partir da segunda metade do século XX

• Autor(a) principal: Calvo Domínguez, Alejandro
• Data de Publicação: 2015
• Tipo de documento: Dissertação
• Idioma: spa
• Título da fonte: Repositório Científico de Acesso Aberto de Portugal (Repositórios Cientìficos)
• Texto Completo: http://hdl.handle.net/10400.26/12220
• topic: Urbanismo; Salceda de Caselas (Galiza); Urbanismo

A vila de Salceda de Caselas, situada no Suroeste da Comunidade Autónoma de Galiza. Esta situada nunha rexión fronteiriza con Portugal ao Noroeste de España na Provincia de Pontevedra. Foi este o caso de estudo escollido para a realización do presente traballo, centrado na transformación da forma urbana da vila de Salceda de Caselas. O aspecto máis destacado da vila é o seu forte crecemento dende o inicio ata o fin desta análise, cuxa forma urbana reflicte o paso de diferentes épocas e contextos. Non obstante, a principal motivación xorde a partir dos grandes cambios sufridos nesta área de estudo nos últimos corenta e oito anos, froito de diversos factores de carácter social, económico e político que permitiron o desenvolvemento dunha sociedade con novas necesidades. O estudo desta Disertación é a transformación morfolóxica de Salceda, identificada mediante a lectura da forma urbana da vila. Os obxectivos centráronse en identificar as principais etapas e elementos de transformación que encadraron o contexto político, económico e social de cada momento, para poder identificar posteriormente as principais características morfolóxicas que estruturaron a transformación da forma urbana. A metodoloxía deste traballo baseouse fundamentalmente en dúas fases: unha contextualización política, económica e social, de modo a encadrar cada época de estudo; e unha segunda fase de análise morfolóxica, na que converxen os datos anteriores nunha lectura física e interpretativa do trazado viario, da matriz de parcelamento, do tecido edificado, os equipamentos e os usos do solo. Para este labor foi necesario utilizar a análise documental para recoller información de publicacións sobre a vila, datos socioeconómicos e estatísticos; ou o uso de fotografías e a observación directa. Na análise morfolóxica realizouse a superposición de elementos gráficos como a cartografía e imaxes aéreas, co fin de plasmar unha lectura interpretativa do forma urbana. Deste xeito, observouse grandes transformacións na estrutura do tecido urbano e do territorio, debido fundamentalmente aos cambios experimentados pola sociedade nas últimas décadas. Identificáronse implicacións morfolóxicas dalgúns fenómenos importantes, tal e como foi a proliferación de novos tipos edificatorios. O contexto político e socioeconómico foi determinante durante as diferentes etapas do presente traballo, dividido en dous bloques. En primeiro lugar, estableceuse un capítulo centrado nas etapas de formación e configuración do tecido urbano, comezando mediante un subcapítulo ata 1965, no que se caracterizou a morfoloxía da vila. Posteriormente, outros catro entre 1965 e 2013 coa finalidade de identificar os elementos que estruturaron e conformaron a transformación morfolóxica de Salceda de Caselas. Por último contrastase os datos entre a os elementos de transformación da forma urbana e as características da forma urbana, dando lugar a unha lectura continua dos momentos de transformación.