Aspectos linguísticos e culturais no processo de formação do homem Xavante na Aldeia Sangradouro - Mato Grosso - Brasil

• Autor(a) principal: Wa’ Awe, Antônio Luiz
• Data de Publicação: 2022
• Tipo de documento: Dissertação
• Idioma: por
• Título da fonte: Repositório Institucional da UFG
• dARK ID: ark:/38995/0013000003r5p
• Texto Completo: http://repositorio.bc.ufg.br/tede/handle/tede/12760
• topic: Povo Xavante; Cultura Xavante; Pedagogia Xavante; Formação do homem Xavante; A´uwe uptabi; A´uwe uptabi höimãnãdzé; A´uwe uptabi te rówaihu; A´uwe uptabi tsi aibö dzé; LINGUISTICA, LETRAS E ARTES::LINGUISTICA

Wanõrihã A´uwe, daróbre ´re iwahöimãnã dza´ra mõnõhã, te wamã ´rehöimãnã tsirõmõdza´ra wate wahöimãnã prédu waihu´udzéhã, wahi´rata hawi ihöimãnã tsiró róptsiré. Wanhimi rówaiuhu´udzéhã mãri ahö uptabinã wawate ´retsa´retsedza´ra wahi´rata nõri nhiné duré mãrinã dahöimãnã prédubnãhã, danhimidzadze nã wamhã duré wahöimãnã dzébnã wamhã. Tahawa rówaihu ihöimãnã dza´ra mõnõhã wahi´rata nõri hawimhã wa ótó wate ´retsihötö dza´ra, wate ãmã rómhuridza´ra mõnõda rómnhõrédzéb´u ai´uté nõri dzémã te waihu udza´ra mõnõda dahöimãnã prédubdzé.Wahu ´rãtsutu nã wahu 1996, ma pódó date ãmã rómhuridza´ra mõnõ dahã (LDB) remhã te watsu´u (78 e 79) A´uwe mã te ãmã ´re irómhuridza´ra mõnõ dahã. Ãné rótsa´rata´re A´uwe nhimi rówaihu´udzéhã mãdamé tsereni wate ãmã irómhuridza´ra mõnõ dahã, duré wahoimanadzé wate ãmã tsiptete dza´ra mõnõda, rómnhõré´wa wanuri dzémã tete tsa´retse dza´ra monoda wahöimãnã dzéhã wahi´rata hawi ihoimãnã dza´ra mõnõhã. Tahawa, ãhã wadza ãmã rówatsu´u rómhuri ihöimã dza´ra tsiwadzari rówaihu ihöimãnã te ãmã irómnhõré dza´rahã Karajá wahu (2015), Pimentel da Silva (2017) duré Herbetta (2019), ãnõri maha waihu´u petsedi A´uwe Uptabi höimãnã dzéhã. Ãné, itehã rómhuri te tihöiba A´uwe uptabi te rówaihu´udzébnãhã ahödi ihöimãnã dza´ra mõnõhã wahöimãnã dzébremhã, duré niwamhã, wate pibuiwe dza´ra mõnõda, duré wate ãmã rówatsu´u dza´ra mõnõda, duré imõri´rata uptabi wate ãmã irówatsu´u dza´ra mõnõdahã rómnhõré dzéb´uhã. Ihöimãnã tsiró, wadza watsu´u ihöimãnã dza´ra mõnõ wahöimãnã dzébremhã duré wamré ´remhã wamhã, duré ãmã ´re iwatsi aibö dza´ra mõnõdzé.