Animación sociocultural, a intervención comunitaria e organizativa nun espazo de aldea da mau matriarcal

• Autor(a) principal: González Barreiro, Alicia
• Data de Publicação: 2014
• Tipo de documento: Dissertação
• Idioma: spa
• Título da fonte: Repositório Científico de Acesso Aberto de Portugal (Repositórios Cientìficos)
• Texto Completo: http://hdl.handle.net/10348/5150
• topic: Associações; Animação sociocultural; Meio rural; Feminismo; Cultura; Igualdade; Educação; Intervenção comunitária

Este proxecto de investigación de Mestrado busca describir a Animación Sociocultural, a intervención cultura e organizativa nun espazo de aldea (Rural) a través das mulleres (matriarcas), dun xeito evolutivo dende comezos do século XX. Tratándose dunha investigación onde se busca aliar e visibilizar; por un lado, a historia das mulleres que habitaron os espazos de aldea da Galicia de interior, e por outro, o xeito de encarar o asociacionismo nestes entornos. Nun percorrido cara a situación actual, na que se ollan cambios no social, político e económico de toda a sociedade ó que as mulleres non son alleas. Nun tempo, no que a demografía e a xeografía de decrecemento que na actualidade do século XXI se vive, confórmanse novas situacións e indicacións dunha nova etapa de cambios, para unha rexeneración e renovación dos espazos a nivel das propias entidades e institucións. O proxecto de investigación atopase estruturado en sete partes. Nunha primeira abordaxe do capítulo I, os contextos de encadramento e localización desta investigación buscan situar a persoas alleas o espazo no que se aborda está investigación; pasando nos seguintes capítulos II e III a clarificar o que é a ASC os conceptos e o entendemento da intervención no asociacionismo. A evolución da labor que a muller dentro da intervención comunitaria en espazos de aldea ten desenvolto, a importancia deste xénero no afianzamento e mantemento dos mesmo. No capítulo IV estamos a falar da introdución do asociacionismo nas aldeas, e a evolución cara a xestión e burocratización a nivel de administración, de todo o que conleva asociacionismo no rural; e por tanto da animación, no intre en que Europa entraba na hexemonía. Nun capitulo V o proceso de desenvolvemento evolutivo que ten xurdido no asociacionismo das matriarcas, a mellora en canto a busqueda dun tempo e espazo recoñecido como propio, non tanto no referente estrutural, senón na consideración de momento gardado para elas mesmas. Pasando no capítulo VI a dar conta da situación mais actual, na que a parte cualitativa deu paso a obtención de variables cuantitativas que nos informan de preferencias, desgastes e complicacións da actualidade do asociacionismo feminino no rural, e de xeitos de encarar o futuro nun contexto de desgaste, dado ben por un proceso evolutivo habitual no que todo ten un comezo e un fin, ou polas circunstancias poboacionais e de novas determinacións, dos espazos de aldea. Coa visón obtida dende as propias asociacións e as súas xuntas directivas participantes nesta investigación. Rematamos coas conclusións as que chegamos nesta investigación de cara a obtención do mestrado, na consideración de que un ciclo é outro paso, e que grandes finais poden dar lugar a novos comezos. A labor desenvolta polas matriarcas, é de máxima importancia en canto a garda e mantemento da cultura tradicional, así como a forma mostrada polo asociacionismo das mesmas; nun tempo de xubilo e outro de decadencia, no que o fin pode ser outro xeito de comezar, á espera de que o rural “as aldeas” cheguen a rexurdir, e pode só pode, que as mulleres teñan nesto algo que ver ou facer.